Ujësjellës Kanalizime Kamëz sh.a. (UKK) është shoqëri aksionare me pronësi 100% publike, nën pronësinë e plotë të Bashkisë Kamëz, e themeluar në zbatim të reformës kombëtare të sektorit të furnizimit me ujë të pijshëm dhe menaxhimit të ujërave të ndotura.
Në kuadër të zbatimit të Vendimit të Këshillit të Ministrave nr. 63, datë 27.01.2016 "Për riorganizimin e operatorëve që ofrojnë shërbimin e furnizimit me ujë të pijshëm, grumbullimin, largimin dhe trajtimin e ujërave të ndotura", si dhe Vendimit të Asamblesë së Aksionarëve nr. 11, datë 13.11.2017 të Shoqërisë Ujësjellës Kanalizime Tiranë sh.a., u krye ndarja e aksioneve të Bashkisë Kamëz.
Shoqëria "Ujësjellësi Kanalizime Bashkia Kamëz" sh.a. u themelua zyrtarisht më 13 Nëntor 2017 dhe u regjistrua pranë Qendrës Kombëtare të Biznesit (QKB) po atë datë, me NIPT L72320034A, me aksionar të vetëm Bashkinë Kamëz.
Më 28 Shkurt 2022, Komisioni Kombëtar Rregullator i ERRU-së miratoi me Vendimin nr. 102 licencimin për herë të parë të shoqërisë, në kategoritë:
Licenca ka vlefshmëri 4-vjeçare dhe mbulon të gjithë territorin e Bashkisë Kamëz, ku shoqëria ofron shërbim për 99.882 banorë.
Më datë 09.06.2022, me vendim të aksionerit të vetëm, u krye zmadhimi i kapitalit themeltar nga 289.024.000 lekë në 1.928.337.500 lekë.
Shoqëria operon si operator i pavarur, duke zbatuar standardet kombëtare dhe ato evropiane për cilësinë e ujit, efikasitetin operacional, mbrojtjen e mjedisit dhe transparencën ndaj konsumatorëve.
Ujësjellës Kanalizime Kamëz sh.a. ka si mision kryesor ofrimin e shërbimit publik të furnizimit me ujë të pijshëm të qëndrueshëm, të sigurt dhe pa ndërprerje, si dhe menaxhimin e integruar të sistemit të kanalizimeve, duke garantuar mbrojtjen e shëndetit publik, ruajtjen e burimeve ujore dhe zhvillimin e qëndrueshëm të territorit të Bashkisë Kamëz.
English