Lajme & Njoftime

Kërkojmë të marrim me qira një ambient në Njësinë Administrative Paskuqan, me sipërfaqe rreth 100 m², i përshtatshëm për t’u përdorur si zyrë arkëtimi dhe administrate. Të interesuarit ftohen të paraqesin ofertat e tyre pranë UKK, brenda 5 (pesë) ditëve nga publikimi i këtij njoftimi, së bashku me dokumentacionin që vërteton pronësinë e objektit. Ju mirëpresim!

Një hap i rëndësishëm drejt modernizimit të shërbimeve për qytetarët Ujësjellës Kanalizime Kamëz (UKK) ka kënaqësinë të njoftojë të gjithë abonentët se shumë shpejt do të implementohet sistemi i pagesave elektronike në të gjitha arkët e institucionit. Pas përfundimit të procesit të instalimit dhe konfigurimit të pajisjeve POS, qytetarët do të kenë mundësinë të kryejnë pagesat e faturave të ujit dhe të çdo shërbimi tjetër të ofruar nga UKK duke përdorur: • Kartë Debiti • Kartë Krediti • Apple Pay • Google Pay Ky investim synon të rrisë cilësinë e shërbimit ndaj qytetarëve, duke ofruar një mënyrë më të shpejtë, më të sigurt dhe më komode për kryerjen e pagesave, pa pasur nevojë për para fizike. Përdorimi i pagesave elektronike do të reduktojë kohën e pritjes në sportele dhe do të ofrojë më shumë fleksibilitet për abonentët, në përputhje me standardet moderne të shërbimeve publike. UKK mbetet e angazhuar në transformimin dixhital të proceseve të saj dhe në ofrimin e shërbimeve sa më efikase për komunitetin. Data e fillimit të këtij shërbimi do të publikohet së shpejti në kanalet zyrtare të komunikimit të Ujësjellës Kanalizime Kamëz. Ujësjellës Kanalizime Kamëz – Shërbim më modern, më i shpejtë dhe më pranë qytetarëve.